Gutxitasun Fisikoa duten Pertsonen Bizkaiko Federazio Koordinatzailea (FEKOOR) irabazi-asmorik gabeko erakunde bat da, apolitikoa eta ez-konfesionala, eta helburu bat du: gutxitasun fisikoa duten pertsonek aukera-berdintasuna lor dezaten lan koordinatua egitea. Gaur egun, 17 elkarte biltzen ditu –6.000 bazkidetik gora–, eta hiru erakundetako kide da:

• Gutxituen Ordezkarien Euskal Kontseiluan (EDEKA) dago.
  
  
• Gutxitasun Fisikoa duten Pertsonen EAEko Konfederazio Koordinatzaileko (ELKARTEAN) kide da –konfederazio horrek 16.000 lagunetik gora biltzen ditu–.
  
  
• Eta Gutxitasun Fisikoa duten Pertsonen Espainiako Konfederazio Koordinatzailean (COCEMFE) ere badago –konfederazio horrek 900 erakundetik gora biltzen ditu–.
  
  

Kongresu hau zeharkako hiru aldarrikapen-ardatzen inguruan antolatuta dago:

• Aukera-berdintasuna, bazterketarik eza eta guztien irisgarritasuna. Gizarteari oro har zuzendutako mezua.
  
  
• Gizarte Zerbitzuen eta Laguntzen Sare Osoa, osasuna, prestazio ekonomikoak eta laguntza teknikoak jasotzeko eskubidearen bermea, bizi-kalitatea lortzeko. Agintari publikoei zuzendutako mezua.
  
  
• Bizitza autonomoa. Taldeari berari zuzendutako mezua.
  
  

FEKOORetik, guztiontzat eskubide osoko herritartasuna lortzeko eztabaida- eta proposamen-gune honetan parte hartzera animatzen zaituztegu.

Zuen parte hartzea aldez aurretik eskertuz, agur bero bat: